Poetry Guru

Ibrahim Zauq

hai tere kaan zulf-e-muimbar lagii hu_ii
rakkhegii ye na baal baraabar lagii hu_ii

baiThe bhare hue hai.n Khum-e-mai kii tarah ham
par kyaa kare.n ke muhar hai muu.Nh par lagii hu_ii

mayyat ko Gusal diijo na Khaak_saar kii
hai tan pe Khaak-e-kuchaa-e-dil_bar lagii hu_ii

nikale hai kab kisii se bhii us kii mizhaa kii nok
hai phaa.Ns sii kaleje ke andar lagii hu_ii

ai 'Zauq' dekh duKhtar-e-raz ko na muu.Nh lagaa
chhuTatii nahii.n hai muu.Nh se ye kaafir lagii hu_ii

Related posts:

1. Chehra mera tha
2. Na so sako raat bhar to samjho
3. Mar ke bhi chain na paya to
4. Vo bhi shayad ro pade veeraan kaagaz dekh kar
5. kisi bevafa ki Khaatir